تورکی شعرلری
مجتبی ساعی بیر گزارشگر کی گزارش ایشین مختلف کیلاسلاردا حضور تاپماغینان اورگشیب سایت هواداری traxtorchi.ir نظرسنجی سینده هوادارلارین طرفین دن لاب محبوب گزارشگر انتخاب اولوب و البته بو محبوب اولماغی نه بو مجازی دنیادا بلکه کوچه باجا دا دا راحاتلیغینان احساس ائله ماق اولار.
مطلبین ادامه سین ده بیزیم صمیمی دانیشیقیمیزی بو محبوب گزارشگری نن نظریزه یئتیریروخ:
سلام ساعی جنابلاری؛ بیرینجی سیز دن ایستیروخ کی بویوراسیز گزاریش ائله ماغی نه واخت دان علاقه تاپدیز و نه واخت و نجور بو ایشه اوز گتیردیز؟
من گزاریش ایشینه ائله اوشاقلیغدان علاقه واریمی دی و 1387 جی ایلین ده ایشیمی جام جم 2 شبکه سینده باشلادیم و ایندی ده کی شبکه استانی سهند ده سیزین خدمتیزدیم
ایلک (بیرینجی) دفعه کی تیراختورون اویونون گزاریش انله دیز نه واختیدی؟ و بویورون کی او اویونا گورا خاص خاطیره واریزدی؟ البته بونو مسئله نی اگر نظر ده آلساخ کی بیرینجی دفعه اولدونا طبیعی دی کی سیزین خاص هیجان و استیرسیز اولارمیش
من بیرینجی اویون کی تیراختور تیمی نه گورا گزاریش ائله دیم 3 ایل بونان قاباخ جام حذفی اویونلارینین 8 دن بیر فینال مرحله سین دئدی کی تیراختور راه آهن تیمین قاباغیندا اوینییر دی و بو موضوع نی نظرده آلساخ کی من چون قاباخجان آیری اویونلاری دا گزاریش ائله میشدیم چوخ استیرسیم یوخی دی امما بالاخره بو اویون چون تیراختورون اویونی دی بیر منه فرقلی و تفاوتلی بیر گزاریشی دی و من بونی بیلیردیم کی تیراختورون هوادارلاری بو اویونا دقتینن باخیرلار و چوخ نکته لری اؤزلری بیلیرلر گرح دقت لی گزاریشیم اولیدی و مواظیبیدیم کی هوادارلاری راضی ائلییم و فیکر ائلیرم بیرینجی دفعه یه گورا پیس دئیردی
تیراختورون ، Traxtorchi.ir هواداری سایتیندا بیر نظرسنجی توتولوب کی سیز 90٪ دان چوخ رای نن هوادارلارین یانیدا لاب محبوب گزاریش گر سئچیلیب سیز بو سئچیلماغی نمه نیه بوشلی بیلی سیز؟
من نظریمه بیرینجی الله کمک لیغی دی و سورا دا کی هوادارلارین و مردمین لطفی دی کی منیم حالیما شامل اولوب و اوچونجو و ان اونملی سی بو دی کی منیم تیراختورون هوادارلارینین تک به تکی نن بیر خاص قلبی و عاطفی ارتباطیم وار کی احساس ائلیرم اولارینان بیرم و اولارین اوره گلری دویوننده و چیرپینان دا منیم ده اوره گیم دویونور و چیرپینیر و احساس ائلیرم کی کامیل ائلیه بولورم اولاری درک ائلییم و اولار نه واخت سئویننده من ده سئوینیرم و نه واخت ناراحات اولاندا من ده ناراحات اولورام فقط بیر سؤز احتمالا گزاریشگر اولماغیما گورا بو ایش منه ایجازه وئرمیر کی کامیل سئوینماغیمی یا ناراحات اولماغیمی گورسه دم امما و بو اورگدن دی و حتی هئچ کس ده راضی اولماسا ایشیمنن من آذربایجانا خاطیر و تبریز مردمی نا خاطیر کی قوناق سئوندیلر چو سئویرم کی گزاریشیم ده اصول گزاریش گرینی رعایت ائلییم و چون کی تبریز مردمی قوناق سئوندیلر ایستیرم همشه تیراختورون هوادارلاری ،شهریمین و استانیمیزین فرهنگین و قوناق سئومکلیغین گورسه دم و مجبورام حتی اوبیری گزاریشگر لر ده بو موریدی رعایت ائله مه سلر من رعایت ائلییم کی الله ها شوکور استانیمیزین گزارشگرلری رعایت ائلییرلر امما بر فرض مثال بیری رعایت ائله مه سه گزاریشگری اصولون نفی ائله میر و اگر تبریز شهر اولین لر دی ایجازه وئرین من ده بیرینجی نفر اولوم کی گزاریش ده طرف سیز اولماغی رعایت ائله میش اولموشام
ائله بو موریدی ده ایستیردیم سوروشام کی هوادارلارین بعضی لرینین سیزه گورا بو انتقادلاری وار کی سیز بعضی زامانلار چوخ طرف سیز گزاریش ائلیسیز اویونولاری سیزین نظریز یا دلیل لریز بو ایشه گورا نه دی؟
اتفاقا بو سوالیز چوخ یاخجی سوال دی بیلیسیز اگر قرار دی تیم اویونی اوتا گرح یاخجی اوینویا دای لازیم دئیر من گزاریشیمده قیشقیرام و به قول فارسلار به آب و آتش بزنم و ارتباطی یوخ دی گزاریش گرین های کوی سالماسینا امما بونی یادیزدا اولسون کی ائله همان جور کی حریف تیمین گزاریشگری طرف ساخلیاندا تیمی نه اعصابیمیز قاریشیر و او گزاریشگردن و حتی او شهری دن بیر پیس خاطیره یارانیر ذهنیمیزده ؛ همان ایش و همان پیس ذهنیت ایمکانی وار حریفین هوادارلارینا منیم موریدیم ده و تبریز و آذربایجان موریدینده یارانا و من اگر حریف تیمی نه احترام قویماسام و طرفلی گزاریش ائله سم دیه جاخ لار کی فرهنگ آذربایجان و تیراختور تیمی ائله بو دی؟ عامیه دیلنده دییر لر کی ائله بوبئله تیراختور تیراختور دئیسیز ائله بو! مشخص دی دا گزاریش گرینن و بو بئله کی فرهنگ دن دم ویریسیز ائله بو!
پس من راضی دئیرم آذربایجان مردمی و فرهنگی بئله تانینا و حاضیرم کی منن انتقاد اولا امما شهریمین و استانیمین فرهنگین خراب ائله مییم سؤزومون جانی بو کی منیم نظریمه تیراختور هوادارلارین فرهنگین گورسدماق بیر بویوک سرمایه دی بیزه و من همشه چالیشمیشام اؤز گزاریشلریم ده بو فرهنگه مهر تایید وورام و مطمئن اولون من اگر تعصب اوزونن گزاریش ائلییم حتی حق و دوز سؤز ده دانیشسام دیه جاقلار کی ساعی تعصب اوزونن دانیشیر و اینانمیاجاقلار و یادیمزدا اولسون کی حقیقت هردن آجی اولار امما گرک دئیله
سیز هانسی گزاریش گرین ایشین سئویسیز و آیا گزاریش ایشین ده ده خاص نفر دن تبعیت ائلیرسیز؟
منیم گزاریش ایشینده خاص الگوم یوخدی و گزاریشگرلرینده باره سینده دئمه لییم کی گزاریشگرلری اگر میوه نظرده آلساق نئجه کی میوه لرین طعم لری فرقیلی دی مثلا آناناسینان انبه نین طعمین مقایسه ائله ماق اولماز گزاریش گرلر ده فرقیلی دیلر بیر بیرینن و من سئوینیرم کی ایراندا او قدر گزاریش گر وار کی اولارین بعضی سینان سؤزلرینن و سسلرینن لذت آپارام
بو سورولاردان کی سووشاخ بیلیروخ کی سیز ده بوتون آذربایجان مردمی تکین تیراختور تیمی نه گورا خاص تعصبوز وار؛ آشاغا دا کی سورولاری بو سیریا گورا سوروشروخ:
1)هوادارلارین ان گؤزل شعارلاری استادیوم دا سیزین نظریزه هانسی شعار دی؟
باخین اوجور کی بیلیسیز شعارلار متفاوت دی و ایمکانی وار هوادارلار هر اویونا گورا متناسب شعارلار وئره لر و تیراختورون هوادارلارینی اوبیری تیملرین هوادارلارینا گورا بیدانا دا فرقی کی وار بو متناسب شعارلار دی کی هر اویون دا دئیرلر و من هوادارلارین شعارلارین چوخین سئورم اما آذربایجان تیملری فرق ائله مز رهلری چوخ گؤزل شعار دی
2)سیزین نظریزه تیراختورون هوادارلارین 2 ایل بونان قابغینان ایندی نه فرقی لری وار؟
باخین من او مقام دا اؤزومی گورمورم کی تیراختورون هوادارلارین باره سینده نظر وئرم و همشه ده تیراختورون اویونلاریندا با اینکه اورگ سؤزون همشه دئماق اولمور امما من همشه اولارییاخجی ترین بیلیرم و او حد ده دئیرم کی اولاردان اینتقاد ائلییم انتقاد ائله ماق اولارین حقی دی بیز دن
3)داها یاخجی بو جور سوروشوم سوالیمی کی استادیمون ایکی ایل بونان قاباخ جوی یاخجی دی یا حال حاضیر دکی جوی؟
خب اوجور کی بیلیسیز 2 ایل بونان قاباخ تیراختور تزه گلمیشدی لیگ برتره و همشه چوخ گلیردیلر استادیوما امما ایندی بعضی لر دئیرلر کی تیراختورون هوادارلاری آزالیب دی امما من دئیرم کی آزالمییب و تیراختورون هوادارلاری هوشیاردیلار و هر زامان لازیم اولوب ثابت ائلیبلر کی تیراختورون هوادارلاری چوخ دیلار و هر یئرده احساس ائلییب لر کی تیمین اولارا نیازی وار حاضیر اولوبلار اولار کی دئیلر آزالیبدی گرح بیله لر کی هوادارا گرح احترام قویولا وقتی بعضا هوادارلارا احتیرام قائل اولموروق حالا باشگاه طریفنن اولور اولسون مسئولان استادیوم طرفینن اولور اولسون وقتی بیز هوادارلارا یاخجی ایمکانات وئرمیروق انتظاریمیز اولمیا کی هوادارلار آزالمیا هر چند کی تیراختوری ائله سئویلر کی بو مسئله نی تحمل ائلییرلر
4)سیزین نظریزه آیا هوادارلار بیر گون تورکی گزاریشه استانی شبکه دن شاهید اولاجاخ لار یا یوخ؟
چون بو ایش منیم وظایفیمین محدوده سینده دئیر اجازه وئرین بو سوالا جواب وئرمییم
و نظریز بو کلمه لره گورا:
تیراختور: سوسماق(سکوت)
امیر قلعه نوعی: ایرانین لاپ ایفتیخارلی مربی سی دی
فراز کمالوند: جوان امما موفق بیر مربی
شهرداری: مظلوم
عیبی یوخ: فوتبالین ان فرقلی و تفاوتلی شعاری
فردوسی پور: موفق بیر گزارشگر
بهزاد وحدت پناهی: بیر دوست ، بیر همکار
تیراختور هوادارلاری: او کسلر کی فوتبالدا دا عشقی معنا ائله دیلر
ساعی جنابلاری چوخ ساغولون کی بیزیم سورولاریمیزا دوزومونن جواب وئردیز موفق اولاسیز
خواهیش ائلیرم سیز ده موفق اولاسیز
مصاحبه ائلیین:yildrim7hgh
traxtorchi
حامد لک: خوشحالم همبازی کریمی هستم
کاظمیان : در آسیا شخصیت بزرگ تراکتور را نشان دادهایم / سومی در لیگ حتمی است و به دنبال دومی هستیم !
اولیویرا: وابستگي عجيبي به هوادران تراكتور پيدا كرده ام/با هيچ بازيكني مشكل ندارم
ابراهیمی: دشمنان تراکتور علیه جعفری شعار می دهند
مهدی کیانی: هواداران ما در دنیا بی نظیرند/رسول خطیبی مرد فوق العاده ای است
ضرورت ماندن تونی و دور کردن تیم از حاشیه ها و حفظ همدلی.JPG "شروع تمرینات با حضور تونی اولیویرا / بازی تدارکاتی")
شروع تمرینات با حضور تونی اولیویرا / بازی تدارکاتی
فروزان با تیم ملی به مجارستان نميرود!
كاستا: خودمان به پيروزي تراكتور كمك كرديم
پاسخ دهنوی به شایعات
حضور علی دایی در جمع زلزلهزدگان اهر و ورزقان
بیانیه هواداران تیراختور برای همدردی با قربانیان زلزله:در بازی با نفت همه سیاه می پوشیم
اولیویرا: قلب من از فولاد است/ حتماً باید مسی و کاکا را داشته باشیم؟
