تورکی شعرلری | تعداد بازدید 1270 |
تشکر شده: | 1 کاربر از mr96 به خاطر این مطلب مفید تشکر کرده اند: traxtur-dosti & |
عضویت: 5 /12 /1391 محل زندگی: tabriz تشکر شده : 6 |
پاسخ : 2 RE تورکی ماهنیلاری
دیلیم یالقیز ، دیلیم یالقیزدیر آی قیز / اوغول شیرین ولی قیز بالدیر آی قیز / آماندیر اوزاق دورما تورکون دیلیندن / اوکی اصلین دانار کال قیزدیر آی قیز / بیزیم تورکون دیلی گول دن ظریف دیر / بوتون دیللر دال اولسا بو الیف دیر / ادب ده علم ده هر بیر هونرده / سیز آللاه تورکلره کیم لر حریف دیر / |
شنبه 05 اسفند 1391 - 19:47 |
|
عضویت: 5 /12 /1391 محل زندگی: tabriz تشکر شده : 6 |
پاسخ : 3 RE تورکی ماهنیلاری
ساری گلینین شعری ساچین اوجون هؤرمهزلهر گولو سولو (قونچا) دهرمهزلهر ساری گلین بوسئودا نه سئودادیر ؟ سهنی مهنه وئرمهزلهر نئیلیم آمان ، آمان ساری گلین بو دهره نین اوزونو، چوبان قایتار قوزونو، نة اوْلا بیر گون گؤرهم نازلی یاریمین اوزونو نئیلیم آمان ، آمان ساری گلین عاشیق ائللهر آیریسی، شانا تئللهر آیریسی، بیر گونونه دؤزهمهزدیم؛ اوْلدوم ایللهر آیریسی نئیلیم آمان ، آمان ساری گلین |
شنبه 05 اسفند 1391 - 19:58 |
|
عضویت: 5 /12 /1391 محل زندگی: tabriz تشکر شده : 6 |
پاسخ : 6 RE تورکی ماهنیلاری
بهجت آباد خاطره سی اولدوز ساياراق گوزله ميشم هر گئجه ياری/ گج گلمه ده دير يار يئنه اولموش گئجه ياری/ گؤزلر آسيلی يوخ نه قارالتی نه ده بير سس/ باتميش گولاغيم گؤرنه دؤشور مکده دی داری/ بير قوش آييغام! سويليه رک گاهدان اييلده ر/ گاهدان اونودا يئل دئیه لای-لای هوش آپاری / ياتميش هامی بير آللاه اوياقدير داها بير من/ مندن آشاغی کيمسه يوخ اوندان دا يوخاری/ قورخوم بودی يار گلمه يه بيردن ياريلا صبح/ باغريم ياريلار صبحوم آچيلما سنی تاری!/ دان اولدوزی ايسته ر چيخا گؤز يالواری چيخما/ او چيخماسادا اولدوزومون يوخدی چيخاری/ گلمز تانيرام بختيمی ايندی آغارار صبح/ قاش بيله آغارديقجا داها باش دا آغاری/ عشقين کی قراريندا وفا اولمياجاقميش/ بيلمم کی طبيعت نيه قويموش بو قراری؟/ سانکی خوروزون سون بانی خنجردی سوخولدی/ سينه مده أورک وارسا کسيب قیردی داماری/ ريشخندله قيرجاندی سحر سويله دی: دورما/ جان قورخوسی وار عشقين اوتوزدون بو قماری/ اولدوم قره گون آيريلالی او ساری تئلدن/ بونجا قره گونلردی ایدن رنگيمی ساری/ گؤز ياشلاری هر يئردن آخارسا منی توشلار/ دريايه باخار بللی دی چايلارين آخاری/ از بس منی ياپراق کيمی هيجرانلا سارالديب/ باخسان اوزونه سانکی قيزيل گولدی قيزاری/ محراب شفقده ئوزومی سجده ده گؤردوم/ قان ايچره غميم يوخ اوزوم اولسون سنه ساری/ عشقی واريدی شهريارين گللی- چيچکلی/ افسوس قارا يل اسدی خزان اولدی بهاری/ |
یکشنبه 06 اسفند 1391 - 17:35 |
|
عضویت: 5 /12 /1391 محل زندگی: tabriz تشکر شده : 6 |
پاسخ : 8 RE تورکی ماهنیلاری
اگر قویسان باخام من بیر نظر اول چشمی-شهلایه,/ گؤزوم چیخسین اگر من بیر ده باخسام جامی-مینایه./ بیر اؤزگه حاجتیم یوخدور, ولی موشتاقی-دیدارم,/ نولور باخ بیر نظر بو عاشقی-مجنونی-شئیدایه./ شبی-یلدا دئییب, حسرت چکیب, قان-یاش تؤکن زاهید,/ دئ, ائششک, کور دئییلسن, باخسان او زولفی-چلیپایه!/ اگر عاریفسن, آنلارسان, نه لازیم کشفی-حال ائتمک,/ منی بیر گؤزلری جادو سالیب بو شورو قووغایه./ سیزه مندن امانت, ائی جاوانلار, من کی تا گئتدیم,/ ولاکین سیز هئییفسیز, دوشمهیین بو قانلی سؤودایه./ نباتی, چوخ جفا چکدین, مورادین اولمادی حاصیل,/ یئری, پیریندن آل حوممت, یاپیش دامانی-مؤولایه./ ابوالقاسم نباتی |
یکشنبه 06 اسفند 1391 - 17:42 |
|
عضویت: 5 /12 /1391 محل زندگی: tabriz تشکر شده : 6 |
پاسخ : 9 RE تورکی ماهنیلاری
یالان دنیا/ سنین بهرن یئین کیمدیر؟/ کیمینکی سن؟ ییهن کیمدیر؟/ سنه دوغرو دئین کیمدیر؟/ یالان دونیا، یالان دونیا!/ سنی فرزانه لر آتدی/ قاپیب، دیوانه لر توتدی/ کیمی آلدی، کیمی ساتدی/ ساتان دونیا، آلان دونیا/ آتی ازل داغا سالدیق/ یورولدوقجا دالی قالدیق/ آتی ساتدیق، اولاغ آلدیق/ یهر اولدی پالان دونیا/ بیری آینا ، بیری پاس دیر/ بیری آیدین، بیری کاس دیر/ گجه توی دور، گونوز یاس دیر/ گول آچدیقجا، سولان دونیا/ ایگیت ارین باشین یئیهن/ گوجالار بوزباشین یئیهن/ قبیرلرین داشین یئیهن/ اءوزو یئنه قالان دونیا!/ نه قاندین، کیم گول اکن دیر؟/ کیم قیلیج تک قان توکن دیر؟/ تیمور هله کوره کن دیر/ چنگیز جانین، آلان دونیا/ یامان قورقو! ییغیلایدین!/ طوفانلاردا بوغولایدین!/ نه اولایدی بیر داغیلایدین/ بیزی درده سالان دنیا/ چاتیب، سندن کوءچن کچدی/ اجل جامین، ایچن کچدی/ اولان اولدو، کئچن کئچدی/ نه ایستردین اولان دونیا/ بوغولایدین، دوغان یئرده/ دوغوب خلقی بوغان یئرده/ اوغول نعشین اوغان یئرده/ آنا زولفون یولان دونیا/ |
یکشنبه 06 اسفند 1391 - 17:51 |
|
تشکر شده: | 1 کاربر از mr96 به خاطر این مطلب مفید تشکر کرده اند: traxtur-dosti / |
عضویت: 5 /12 /1391 محل زندگی: tabriz تشکر شده : 6 |
پاسخ : 10 RE تورکی ماهنیلاری
ریاضی عالمینده من حیاتین فرمولون تاپدیم/ گجه گوندوز چالیشماخلار سراسر صفر ضرب اولدی/ |
یکشنبه 06 اسفند 1391 - 17:56 |
|
تشکر شده: | 1 کاربر از mr96 به خاطر این مطلب مفید تشکر کرده اند: traxtur-dosti / |
عضویت: 5 /12 /1391 محل زندگی: tabriz تشکر شده : 6 |
پاسخ : 11 RE تورکی ماهنیلاری
آذربایجان آذربایجان هاچان، بیرده،گورم سنی/ آنا یوردوم،آنا وطن/ گول اوزووه، حسرت قالیب/ سن سیز، گلدیم جانا، وطن/ مین داوادا،مین دویوشده/ بولاشمیسان قانا،وطن/ کیم دور سنه،ایری باخا؟/ کیم دور،سنی دانا،وطن؟/ جانیم اولسون،سنه قربان/ آذربایجان، آذربایجان/ *** بسله میسن قوجاغیندا/ حیدرخان تک،قهرمانلار/ دیواریندان،داشلاریندان/ توکولوبدی،سئل تک،قانلار/ کوراوغلونون،نعره سیندن/ قورخوب، قاچار،شاهلار،خانلار/ خلق میزه،ایلهام وئریر/ آدلی،شانلی،ستارخانلار/ ایگیت اوغلون،حسین باغوان/ آذربایجان،آذربایجان/ *** آخشام چاغی،اوبالاردا/ سرین سرین،یئل لر،اسر/ گدیک لری،دوتوپ دومان/ دره لرده،قوزی،مئلر/ باغچالاردا،عاشق آلما/ داغلاریندا،جیران، گزر/ آلمالاری،آغاجلاردان/ خمار گوزلی،قیزلار،د ره ر/ هرطرفین،باغ دور، بستان/ آذربایجان،آذربایجان/ *** تاریخ لره،سالدیم نظر/ وار سنده،مین لر،قهرمان/ بابک لره، اولموش وطن/ ستارخاننان، قالمیش نشان/ داوا گونی،میدان لاردا/ دوشمن لره،قارشی دوران/ دوشمن،اگر ئولدورسه ده/ ال چکمیرم ،سندن، اینان/ سن سن منه،روح وروان/ آذربایجان،آذربایجان/ |
یکشنبه 06 اسفند 1391 - 18:04 |
|
عضویت: 5 /12 /1391 محل زندگی: tabriz تشکر شده : 6 |
پاسخ : 13 RE تورکی ماهنیلاری
یاخشی یاخشیدی پیس لر دایــم اوزگه نـــــــی پیـسلر
پـــیس پیله ته یه اوخشـــار آز گــــور یانار چـوخ هـیسلر گــولـــه داراشـــــــــــار آری قــــــوشا ســـــــپرلــر داری داریـــــیا آلـــــدانان قــــــوش گـــــــــــــوزیله گــــورر داری یـــــاریم آتســـــــــــا اوخونو گــــــــلر مـــــنه تــــــوخونو شــــــکارچـــــــــیلار وورارلار توخلولارین تــــــوخـــونـــــو بـــــــــوداقلاری بــــــــــودامـا بـــــوداســـان یـــیغ بو داما مــــعرفت له مــــــــــــــحبت یــــــــــــــاراشیقدیر آدامـــا بــــــولاقلار خــــــــزه لـــندی آغاجدان خـــــــزل انـــــدی سن گلدین گــولدو چــــیچک روحـــــومــــوز تــــزه لنـدی یــــــاغدی گـــــویون دولوسو دولولار گــــوی دولوســـــو قار یـــــاغیش چوخ یــــاغاندا چایلار اولار دولو ســــــــو بـــایـــاتی ائــــل ســــوزودور اولوبدور ائـل ســـــوزو دور حـــــایـــــاتی گــــــــوللندیرن هورولموش تئل سوزودور یـــــار گلیر گــــــــول دوز یولا گـــــــوللری دوز دوز یـــولا یـار منی یــــولدان ائــــــدیب اوزی گـــلمیر دوز یــــــولا یــــاریم بیر گــــــولو بــاخدی او گولــــدن گولاب آخـدی بــلبل گــــــــــــولو گورن گون گور نه گولش قاباخــــدی |
دوشنبه 07 اسفند 1391 - 19:37 |
|
تشکر شده: | 1 کاربر از mr96 به خاطر این مطلب مفید تشکر کرده اند: traxtur-dosti / |
عضویت: 5 /12 /1391 محل زندگی: tabriz تشکر شده : 6 |
پاسخ : 14 RE تورکی ماهنیلاری
نی اوچون حؤسنؤنه ای گول بئله مغرور اولدون؟ بی وفالیق دا بؤتؤن عالمه مشهور اولدون .نییه اوز عاشیقینی بونجا نظردن سالدین کیم لر اورگتدی سنی,یا نییه مجبور اولدون بسله دیم زحمت ایله غنچه زامانیندا سنی نییه گول تک آچیلیب ,غیرایله مسرور اولدون .توتدون اغیاری,منی هیجر اودونا یاندیردین سنه بیگانه اولان کس لر ایله جور اولدون .اوزگه لر مجلسینی گون تک ایشیقلاندیردین بیزه یئتدیکده نه تئزکن بئله بی نور اولدون وئردین اغیاره نیشان جمله گوزه للیک لرینی زولف ایله واحیدی گورجک نیه مسطور اولدون واحید |
پنجشنبه 10 اسفند 1391 - 01:25 |
|
تشکر شده: | 1 کاربر از mr96 به خاطر این مطلب مفید تشکر کرده اند: traxtur-dosti / |
عضویت: 5 /12 /1391 محل زندگی: tabriz تشکر شده : 6 |
پاسخ : 15 RE تورکی ماهنیلاری
اورمو گؤلونون دیلیندن بیر غزل :
ایللر بویو حیاتیما قوردون کمین، گونش! آزقین گونش بلالی گونش ذاتی جین گونش! سن هرنه سوزلادین او قدر من دایازلادیم آی ییرتیجی باخیش لاری مندن درین گونش ایللر اولار کی آخمادی بیر چای بو دوزلاغا مندن آلان بولود لاری بس نیله دین گونش؟ اولما بوراخدین اونلاری یئللر قاچیرتد یلار یا آزدیریب، آلاخلارا وئردین کبین،گونش! قارشیندا بوغلایان سولاریمدان اوتانمادین بیرده آخان دامارلاریمی پی له دین، گونش! بیرقیسا بوی لی دالغانی دا قالدیرانمیرام یئللر اسنده قیوریلیرام چین به چین، گونش! آخ قارقیمیش!گؤروم سنی سؤنسون آلوو لارین گؤیده دؤنوب داشا اولاسان بیر سرین گونش آی ییرتیجی باخیشلاری مندن نفس آلان سؤیله منیم بولودلاریمی نئله دین گونش؟ ۱۲/6/90 تبریز صالح سجادی |
پنجشنبه 10 اسفند 1391 - 01:31 |
|
تشکر شده: | 1 کاربر از mr96 به خاطر این مطلب مفید تشکر کرده اند: traxtur-dosti / |
برای ارسال پاسخ ابتدا باید لوگین یا ثبت نام کنید.